भयकंपन

पाऊसभोळा गोंदणवेळा पानावरती बिल्वचुडा 
जन्मजान्हवी तुझ्याचकाठी कृष्णसखीचा भरे घडा 

आर्त करुणा देई वेणा जळभाराची रात्र नवी 
श्लोकातून आरण्य दाटले शाल भयाची मला हवी 

पाऊसगाणी जणू विराणी काचेवरती एक चरा 
उत्तररात्री भिजल्या गात्री श्वासामधला हले झरा 

वैराणाचे आरण्यरुदन आज तमाच्या नदीतिरी 
रक्तचांदणे दाटून आले भयकंपाच्या आज घरी 

अशी सावळी मल्हाराची धून भिजवते बिल्वचुडा 
कृष्णघनाचे बिंब दाटले आज ऋतुवर स्वप्नसडा 


~विश्वराज जोशी, कोल्हापूर 
महाराष्ट्र टाईम्स ६/११/२०११